اليوم غادي نقرإ ليكم الكارطة ديال عبد الإله ولد مفتاحة.
دير النية وقول: ها قلبي، ها تخمامي، ها ما أتاني الله… وصناديق الاقتراع…
منين نبدا ليك يا وليدي يا عبد الإله، أنت مرضي، وراجل ديال الخير, واللي فقلبك على لسانك. الجواد كيقولو باللي راه ساكنك شي خوف كبير، قادر وما قادرش، ناوي وما ناويش، باغي وما باغيش…
هادي عام نعاسك قلال، ما بقات عندك شهية، فتنانك هاديك اللي سميتها كتبدا بحرف الحا، وهاد الأيام خرج ليك اللي سميتو كتبدا بحرف الشين وخفتي يديها ليك.
ها قلبي ها تخمامي ها ما أتاني الله.. غادي نصاوب ليك واحد الخلطة بخر بيها الباب ديال الحزب عمر العين ما توصلك. أما صاحبك اللي كتبدا سميتو بالشبن حالو ساهل.. جيب لي جوج زغبات من شلاغمو ويكون الخير. إيوا قول التسليم.
