علي أوحافي
دافع نور الدين عيوش، الفاعل الجمعوي ورجل الإشهار، بكل قوة عن المذكرة التي توصي باعتماد الدارجة في التعليم وتقليص حضور الدين في مراحله الأولى.
عيوش، خلال استضافته في برنامج «في قفص الاتهام» على إذاعة «ميد راديو»، اليوم الجمعة (8 نونبر)، قال: «العمل اللي درنا عمل إنساني وأخلاقي، وبديتو أنا هادي 18 سنة في مؤسسة زاكورة للتربية، فالمدرسة المغربية فشلت ويجب اليوم إصلاحها.. راه الجنين يتعلم اللغة وهو في بطن أمه، والطفل الصغير كيتعلم الدارجة وملي كيمشي المدرسة كيقريوه بالعربية الفصحة وما كيفهم والو».
وأضاف: «ما قلتش الدين يخرج من المدرسة الابتدائية، ولكن قلت خاص الدين تنضاف ليه شي أشياء مفيدة، خاص تحبيب في الدين وما نبقاوش نخلعو الوليدات بجهنم»، مشيرا إلى أن «الخطاب الملكي خاص يفهموه للمواطنين بالدارجة بعد بثه».
أما عن مشاركة رشيد بلمختار، وزير التربية الوطنية والتكوين المهني، في ندوته حول التعليم، مقبل عدم دعوة محمد الوفا، فقال عيوش: «لم نتصل بأي وزير، وما كنتش عارف أن بلمختار غادي يولي وزير، أما الوفا ما كناش متافقين مع داك الشي اللي كيدير، لأنه كان عندنا عليه شي ملاحظات”.
ولم يعقب عيوش كثيرا على منتقديه، الذين يعتبرون أنه يحارب اللغة العربية، وقال: «قريت رسالة امحمد خليفة، القيادي في حزب الاستقلال، اللي بغا يقول شي حاجة عندو الحق يقولها، وأنا أحترم الرأي بلا سبان بلا غوات».
وخلال الحلقة ذاتها، كشف نور الدين عيوش، والذي هو بالمناسبة والد المخرج نبيل عيوش، أنه مليونير وليس ملياردير، وقال: «أنا مليونير ماشي ملياردير، وكنت نتمنى نكون ملياردير باش نعطي كثر من هاد الشي اللي كنعطي دبا، الوالد ديالي والوالدة كانو كيعاونو الفقراء، وأنا تربيت في هاد الجو.. حقيقية ما عارفش حجم الثورة ديالي، وأنا ما كنخافش نقول حجم ممتلكاتي، غير وكان كاين عوامل كتحكم». وأضاف: «أنا كنعطي كثر من اللي خاصني نعطي فالزكاة، حيت خاص كل يوم نخرج الضرائب في المعاملات، وهاد الشي حسن من اللي كيصلي في الجامع ويكذب».
واعتبر عيوش نفسه يساريا شيوعيا بالقول: «أنا يساري، وأنا ديما يساري، واخا الوالد ديالي كان في حزب الاستقلال، وأنا شيوعي من صغري».
وعن علاقته بالملك محمد السادس قال عيوش: «أنا مقرب بكل احترام من الملك، وأحب ما يقوم به، وماشي بفخر وكدوب كنقول هاد الشي، أنا رجل حر، وعندي مصداقية واحترام لشخص الملك، واخا يكون عندي مواقف من بعض قرارات الملك كنقول رأيي باحترام، راه الملك ما كيبغيش اللي يكذب عليه، والملك يحترم الرأي الآخر، وملي كنقول ليه أشياء أقولها بكل احترام».
كما تطرق عيوش لـ«2007 دابا» وقال: «اللي بغا يتحاسب معايا على 2007 دابا يتحاسب، ولكن داك الشي اللي عملنا أنا فخور به، والناس نساو أنه كاين نساء اللي كانو معانا داك الوقت دخلو البرلمان اليوم، ويلا ما مشاوش الناس ينتخبو راه برامج الأحزاب ما عجباتهمش».
ونفى عيوش سفره إلى إسرائيل، معتبرا ذلك مجرد إشاعات ترافقه، وقال: «اللي شافني في إسرائيل نعطيه مليار، عرضو علي شحال من منظمات وما مشيتش، وأنا سياسيا ما متافقش معاهم». وأضاف: «أنا علماني باحترام، كاين اللي كيقول راني صهيوني ومن رموز فرنسة المغرب وهاد الشي غير إشاعات».
