كل واحد كتكون عندو قدوة كيحاول يقلدو أو يدير بحالو في بعض الأمور، ولكن كاينين حالات شاذة واللي أحبت شخصيات كرتونية وعاشت في الجلباب ديالها. كيفاش؟
في لبنان، على برنامج “أحمر بالخط العريض”، شهر يونيو الماضي، مقدم البرنامج دار حلقة قدم فيها مجموعة من الشباب اللي واخذين شخصيات كرتونية قدوة، بل الأكثر من ذلك كيعتقدوا أنهم هما هاد الشخصيات في الواقع.
ماهر.. سوبرمان لبنان
ماهر شخص أحب شخصية سوبرمان الكرتونية، وبدا في الحياة الحقيقية كيعيش على أساس أنه سوبرمان وكيساعد الناس، وكيحل المشاكل ديالهم فاش كيكون لابس ملابس الرجل الخارق.
نورهان.. سندريلا مصر
نورهان كانت الشخصية الأكثر جدلا، حيث كانت أكثر الشخصيات اللي عايشة الدور، وكتقول باللي سندريلا جات عندها في المنام وقالت ليها باللي هي سندريلا هاد العصر، وهاد الشي خلاها تعيش الدور وتبقى تقلب كل شهر في يوم 18 على الأمير في منطقة معينة.
نورهان تجاوزت العشرينيات وطالبة في الحقوق ومازال مصدقة القصة، بل بكل ثقة كتقول أنها غادي تلاقى الأمير لأن سندريلا وعداتها في الحلم.
