الشابة مروى أورحالي، زوجة اللاعب حمزة مينديل، شابة من مدينة الرباط، عندها 25 سنة، وكبر من حمزة مينديل بخمس سنوات، كدير “الشوتينغ” وموديل وكتخدم مع ماركات تجارية.
مسابقات على الفايس بوك
كانت البداية ديالها على مواقع التواصل الاجتماعي سنة 2007، وكانت كتشارك في مسابقات فالفايس بوك ديال الجمال، وكتحط صورها على مواقع خاصة بالصور كأي بنت عزيز عليها عالم “الشوتينغ” و”الموديلينغ”.
الدخول إلى عالم “الشوتينغ”
فسنة 2016، مروى اورحالي غادي تدخل لعالم “الشوتينغ” الاحترافي، وغادي تدير تصاور مع مصور معروف، ومن ديك الساعة غادي تبدا تخدم مع مصورين معروفين في الإشهارات.
الشهرة والعمل مع إيهاب أمير
فبداية سنة 2018، مروى غادي تدخل للشهرة على مواقع التواصل الاجتماعي، ملي بانت كبطلة كليب إيهاب أمير بعنوان “ما عندوش”. وهنا غادي تشهر على مواقع التواصل الاجتماعي، وغادي يرجعوا عندها متابعين بعشرات الآلاف.
الظهور مع المنتخب
أول ظهور لمروى مع المنتخب المغربي كان فمونديال روسيا 2018. تما مشات عند اللاعب حمزة منديل وتعرفات على زوجات اللاعبين ودارت علاقات معهم، وتحديدا مع زوجة ياسين بونو وزوجة أيوب الكعبي وأخت أشرف حكيمي.
الخطوبة ثم العرس
بعد كأس العالم مباشرة، حمزة مينديل علن الخطوبة ديالو رسميا بالعارضة المغربية مروى اورحالي. ومن بعد 5 أشهر، دارو العرس نهار 24 دجنبر الجاري في الدار البيضاء بحضور عدة لاعبين ومشاهير، من بعد ما خرجات إشاعات على أن الخطوبة سالات.
