تعرض شاب يدعى زكرياء أزناي من مدينة الناظور، حاصل على الدكتوراه في الرياضيات بكلية العلوم في وجدة، إلى اعتداء شنيع من طرف شاب “مخمور” داخل الحرم الجامعي بوجدة، بواسطة شفرة حلاقة حادة على مستوى الوجه.
مخمور “يشرمل” وجه دكتور!
وكشف أزناي، في اتصال هاتفي مع موقع “كيفاش” عن تفاصيل الاعتداء الذي تعرض له، قائلا “كنت أنا والصديق ديالي حاضرين لأمسية ثقافية بالحي الجامعي بوجدة، ملي سالينا خذينا الموطور ديالنا، وهو يتعرض لينا واحد السيد كان سكران وقّفنا وبدا كيسب فيا واستفزنا بزاف، أنا سولتو قلت ليه آش بيني وبينك بغى يضربني، جاو الطلبة جروه وكانو حتى صحابو وبدى كيقول ليهم ما كاين والو ودار براسو كيطلب فالسماحة وهو داير زيزوار بين صباعو وحطها لي على وجهي وجرها”.
وأضاف الشاب البالغ من العمر 28 عاما، “دار ليا تشوه على مستوى الوجه فيه 16 سنتيم 23 غرزة، دابا الجرح باقي ما براش وأنا متبع مع أطباء في مستشفى عمومي نظرا للحالة العائلية ديالي اللي ما كتسمحش لي نمشي لمصحة خاصة”.
وتابع “حتى الصديق اللي كان معايا جروه صحابو وهرسو ليه الموطور ديالو وهاد الشي كامل وقع قدام الطلبة في الحي الجامعي”.
وأشار الشاب في تصريحه للموقع إلى أنه رفع دعوى قضائية ضد “المخمور” الذي تعرض له، قائلا “دابا قدمنا شكاية عند البوليس وعند الوكيل العام الملك في محكمة وجدة وهو دابا را ما زال هربان وكيقلبو عليه”.
وبنبرة حزينة، قال أزناي “أنا دابا ما عارفش المستقبل ديالي كيف غادي يكون، عندي مقابلات عمل ولكن هاد المشكل ديال ندخل عند لجنة بسيكاتريس فوجهي حاجة ماشي مزيانة”.
وختم حديثه بالقول “الحالة العائلية ديالي على قد الحال، وما عنديش باش نقاد هاد المشكل اللي فوجهي، كاين ناس اللي ساهمو مساكن ولكن داك الشي ما كافيش”.
مرصد وطني يدخل على الخط!
ودخل المرصد الوطني لمنظومة التربية والتكوين، على خط قضية تعرض الشاب زكرياء إلى اعتداء داخل الحرم الجامعي، قائلا إنه تلقى “بألم شديد واهتمام بالغ” أحداث و تطورات الحدث “البشع” الذي راح ضحيته الشاب زكرياء، الذي كان يستعد لاجتياز مباراة أستاذ التعليم العالي مساعد، وذلك بعد ما أقدم “شخص مخمور وتحت تأثير المخدرات”، في قلب الحرم الجامعي، على تمرير شفرة حادة (زيزوار) على وجهه أمام مرأى ومسمع الطلبة والطالبات.
ودعا المرصد، في بيان له توصل به موقع “كيفاش”، النيابة العامة، إلى فتح تحقيق في النازلة ومحاسبة المتورطين في ارتكاب هذا الفعل الشنيع، معبرا عن استنكاره للاعتداء الذي تعرض له الشاب زكرياء و”الذي سيؤثر عليه جسديا ونفسيًا مهما كانت الأسباب والملابسات”.
