علق المحلل الرياضي، ابراهيم الزوين، عن الجدل القائم حول الطاقم التحكيمي الذي قاد مباراة الديربي البيضاوي بين الغريمين التقليديين الوداد والرجاء، يوم أمس الأربعاء (5 أبريل)، والتي انتهت بهدفين في كل شباك.
وأكد الزوين، في تصريح لموقع “كيفاش”، أن مباراة الديربي عرفت “أخطاء تحكيمي فادحة”، مشددا على أنه يجب إعادة النظر في التحكيم في المغرب.
وأوضح الزوين أنه حان وقت الاستعانة بحكام أجانب في المباريات الكبرى، قائلا “أعتقد أنه حان الوقت باش نبداو نستعنو بكافاءات أجنبية، حان الوقت باش فالمباريات الكبيرة نجيبو حكام أجانب، را مجموعة من الدول كيستعنو بحكام اجانب علاش حنا لا؟”.
وقال الزوين “في نظري النقطة السوداء في المباراة هي التحكيم للأسف كيزيد يأكد مرة أخرى على أنه عندنا مشكل كبير على مستوى التحكيم على الصعيد الوطني”، مشيرا إلى أن “غياب التحكيم المغربي على نهائيات كأس العالم فالوقت اللي حضروهم حكام بعض الدول اللي هي أقل بكثير من الاتحاد المغربي كنظن على أنها كانت رسالة واضحة أن المستوى للأسف ماشي متوسط ولكن ضعيف”.
وأضاف المحلل الرياضي في تصريحه للموقع “التحكيم أثر في مجموعة من المناسبات على مجريات المباراة،
أخطاء اللي كانت من الطرفين وكلشي كيتشكى من اللاعبين ديال الرجا ومن اللاعبين ديال الوداد شفنا كذلك مع تواجد تقنية الفار الا انها ما سايراتش مجريات هاد المواجهة”.
وتابع “هنا كنرجعو دائما لمشكل انه ملي ما كتكونش النزاهة والعدل على مستوى رقعة الملعب بالنسبة لحكم اللي مفروض انه يكون في المستوى ويضبر مجريات اللقاء بشكل جيد، كنظن انه شفنا نهاية المباراة كيف كانت رغم أنها سلوكات غير مقبولة بتاتا ولكن ملي الانسان كيحس بالظلم وبأشياء اللي كتحرمهم من واحد الحق را هاكاك كتكون ردة الفعل”.
كما تطرق الزوين إلى تصريح لاعب الرجاء محمد المكعازي بعد المباراة، قائلا “حتى التصريح ديال المكعازي قال كلمات مؤثرة جدا “ضيعونا في عرقنا” كيبين ان الحكم كان سبب في التعادل، للأسف هاد العرس ما كملش بغياب الجمهور وما كملش باش نشوفو مستوى كبير ديال جوج فرق اللي متصدرين المجموعات ديالهم في عصبة الأبطال الإفريقية، وما كملش كذلك على مستوى الأخطاء التحكيمية الفادحة اللي كانت فالمباراة واللي اكيد كان عندها تأثير على هاد المباراة واللي كيزيد تأكد لينا على ان التحكيم ديالنا خاصو إعادة النظر”.
وأبرز أن “المشكل ماشي فالتحكيم ولكن فالحكام، واش عندهم نقص فالكفاءة ولا التركيز ولا التنقلات الماراثونية ديال هاد الحكام يعني كل يومين ولا ثلاث ايام مباراة والتنقل من مدينة لمدينة ومن دولة لدولة يمكن كيفقدو التركيز، واش كاين اشياء اخرى الله اعلم المهم عندنا مشكل كبير وكبير في التحكيم”.
من جهة أخرى، أشار المحلل الزوين إلى أنه “من المؤسف أن المباراة تلعبات أمام نصف ملعب فارغ بسبب القرار اللي خذاو مشجعي وإلترا فريق الوداد البيضاوي لأسباب كتخصهم، المباراة فقدت نوعا ما شوية ديال الحماس على مستوى رقعة الملعب وحتى جمالية المدرجات”.
وواصل “تقنيا كنظن أن المباراة ما عطاتش مستوى كبير، وهاد الشي عادي كنظن حيت جات فواحد الظرفية اللي النقط فيها صعيبة ومهمة جدا وكل فريق داير انطلاقة جيدة على مستوى عصبة الابطال الافريقية خاصو يأكدها ولا على الاقل ما يتعرضش لشي هزيمة ولا نكسة اللي يمكن انها تكون مؤثرة نفسيا نظرا لقيمة الديربي”.
