طارق باشلام
يلا كان لاعب المنتخب الوطني عزيز بوحدوز سجل هدف ضد مرماه في المونديال الروسي هاد العام، ودخل فحالة نفسية ماشي هي هاديك، حيت عاتبوه بعض الجماهير المغربية، آش غادي يدير ماريو ماندزوكيتش، مهاجم كرواتيا، اللي سجل هدف ب”نيران صديقة” لصالح الديوك الفرنسية، برأسية حتى هو، ولكن فمباراة نهائية كيشوفها العالم كامل؟
أكثر من هذا، شبكة “أوبتا” للإحصائيات أكدت أن ماندزوكيتش سجل أول هدف عكسي في تاريخ مباريات نهائي المونديال، يعني ما كاينش شي حد دارها قبل منو، وحتى هذا كيتعتبر إنجاز.
وأشارت الشبكة، في باقي إحصائياتها، إلى أن أهداف فرنسا الستة في مباريات نهائي المونديال، جاءت 5 منها عن طريق الضربات الثابتة، ركنيتان، وركلتا جزاء، وضربة حرة.