إدراج الدارجة في بعض المقررات الدراسية هو الهم الأول هاد الساعة عند أغلب الآباء وأولياء التلاميذ واللي كل واحد فيهم كان عندو رأي خاص.
ولكن كاينين ناس آخرين عندهم حاجة أخرى شاغلة بالهم، بعيد على هاد الشي. كيفاش؟
واحد اليوتوبر سميتها فضيلة الفضالي كتعيش في فرنسا، عندها قناة على اليوتيوب تضم أزيد من 58 ألف متابع، وكذلك موقع رسمي خاص بها، كتقول باللي إحدى الصور اللي في المقرر ديالها وبالضبط صورة “الغريبة”.
وفي تصريح لموقع “كيفاش”، كتقول الفضالي باللي راسلات الوزارة وما زال كتسنى الجواب ديالهم باش تعرف شنو دير. كما أكدت أنه من قبل وقع ليها نفس المشكل مع إحدى الشركات في فرنسا وحصلات على تعويض مادي.
أما بالنسبة لقضية المقرر قالت اليوتوبر: “الصراحة ما عرفتش القانون ديال المغرب كيف داير فهاد الشي ديال قانون النشر، ولكن لحد الساعة كنقلب على شكون خذاها بالضبط، واش الوزارة ولا دار النشر ومن بعد نشوف شنو ندير”.
