عشاق الفنان المغربي سعد لمجرد ما عاجبهومش الحال حيث “لمعلم” ما طولش هاد المرة فالطوندونس على اليوتوب، ودوز فالصدارة أربعة أيام فقط، وهاد الشي على غير عادة أعماله الفنية السابقة.
أغنية “بدك إيه”، اللي هي العمل الأخير ديال سعد لمجرد، جات في أسبوع اللي وقعات فيه “جريمة شمهروش”، اللي ماتوا فيها زوج سائحات في إمليل نواحي مراكش، الشي اللي خلى صدى العمل الفني ديال سعد لمجرد دغيا يتنسى، إضافة إلى أن مجموعة ديال الناس انتقدوا العمل وقالوا أنه لا يرقى إلى مستوى “لمعلم”.
إقرأ أيضا :
تقليد فاشل/ كلمات غريبة/ تمثيل رديء.. انتقادات بالجملة لأغنية لمجرد الجديدة (الفيديو كليب)
هاد الشي خلى جمهور سعد لمجرد يدير حملة على مواقع التواصل الاجتماعي، كيطلب فيها محبيه يبقاو يدخلوا يتفرجوا في الفيديو كليب عدد كبير من المرات باش يعاود يرجع لصدارة طوندونس، ويتزادو عدد المشاهدات واللي كانت قليلة نسبيا مقارنة بالأعمال السابقة.
