هند الإدريسي (صحافية متدرية)
مع حلول عيد الأضحى المبارك، يزداد هاجس ارتفاع ثمن الخروف فقد بات شراء أضحية العيد بثمن مناسب ليس بالأمر الهين هذه السنة، الأمر الذي يشكل ضغطا على الأسر المحدودة الدخل والمتوسطة كذلك.
الدرويش ما يعيدش !
وفي حديثه لموقع “كيفاش”، أكد رضوان كساب في منطقة الهراويين، أن أسعار الأغنام هذه السنة تعرف ارتفاعا كبيرا مقارنة مع السنة الماضية يتراوح بين 1500 و2000 درهم.
وقال رضوان “كاين الثمن وكل حاجة وثمانها المليح بحقو‘‘، مشيرا إلى أن “الدرويش اللي باغي يشري بـ1500 و2000 درهم غادي غير يصدع راسو، من الأحسن ما يشريش، مازال 6000 درهم يعيد”.
وأضاف الكساب أنه يوجد الطلب على المواشي بالرغم من الثمن، قائلا “كاين ناس صحابي كسابة من جهة السوالم من ورا رمضان باعوا 500 راس”.
الحولية واصلة لـ3000 درهم !!
ومن جهته قال خالد كساب من منطقة حد السوالم، في تصريح لموقع “كيفاش”، أن “الحولي هاد العام الثمن ديالو طالع، زايدة واحد 1000 درهم في البهيمة”.
وأضاف أن “العلف غالي وحتى الكسيبة قليلة هاد الشي اللي كيخلي الثمن مرتفع”، مشيرا إلى أن “الناس كيجيو يتقداو الحولي ولكن ماشي بالكترة بحال العام اللي فات ناس كيجيو قلال ومازال مازاعمينش دابا كيقولوا خلي حتى اللخر”.
وأكد خالد على أن “الدرويش غادي يعيد ولكن بشي حاجة قليلة و2000 درهم ما تجيب ليه والو، غير الحولية واصلة لـ3000 درهم والحولي را 6000 درهم يلا بغيتي شي حاجة مزيانة”.
ما درتش الحولي هاد العام!
ومن جانبه أفاد عزيز، كساب بمنطقة بن سليمان، هو الآخر في تصريح لموقع “كيفاش”: “ما درتش الكسيبة هاد العام حتى أنا غير شريت بحال الناس، وهذا أول عام ما نبيعش فيه الحولي، حيت يجي عندي صاحبي ولا شي واحد من عائلتي نشوفو كيتقطع قدامي ما قادرش يشري ما نقدرش نفسي كضرني”.
وأضاف: “هاد الشي كيضر فالخاطر، نبيع شي حاجة غالية لشي واحد فوق الاستطاعة ديالو أنا ما كنفرحش، خاص الواحد يشري من عندك وهو فرحان حسن من واحد شاري من عندك ونادم وغادي بزز يقدر يمشي يبيع حوايجو”.
