1
كان بنكيران، حتى إن تحدث كل يوم، يقنع ويمتع…
ثم أصبح بنكيران، إن تحدث كل يوم، يمتع ولا يقنع…
الآن بنكيران نادرا ما يتحدث… لكنه ما عاد يقنع… ولا عاد يمتع…
2
سؤال بريء من شخص يؤمن بأن الحريات فردية حريات فردية فعلا وليست حركات إعلامية: واش المشاركين في “النضال البواسي” كملو النضال ديالهم فشي برتوش من بعد ولا لا!!!
3
حيانا الله حتى شفنا “البوسان النضالي”… اللي شدوه البوليس كيبوس فشي وحدة يقول ليهم: هاد الشي داخل فإطار الحراك ديال الشارع العربي… واللي تشد غادي يتسمى “معتقل سياسي بواسي”…
4
الحكومة دارت القطاع النسائي والشبيبة الحكومية!
5
لحسن الحظ ما داروش غير 36 وزير… كانت غادي تسمى حكومة الطرونط سيس
6
لا أحد تأسف على العثماني لأنه كان ديبلوماسيا فعالا، بل فقط لأنه كان رجل مزيان… لو غادر نجيب بوليف لقالوا عنه نفس الكلام… ولو غادرت بسيمة حقاوي لقالوا عنها نفس الكلام…
7
يلا ما غلطش فالحساب، وعلى حساب داك الشي اللي قريت… الحكومة فيها 160 وزير، وكل حقيبة فيها 10 ديال الوزراء…
8
دابا العيالات بزاف فالحكومة؟؟؟ إذن سنسميها حكومة بنت كيران….
9
الجميل عند ناس البيجيدي أنهم كيتضاربو بيناتهم فالاجتماعات وملي كيخرجو كيبانو سمن على عسل… ما يشفويش فيهم عباد الله… الحزب الوحيد اللي ما كنسمعوش فيه “حرب الاستوزار”… وقولو لي ثاني كنهضر على الاتحاد الاشتراكي…
10
النسخة الثانية من حكومة بنكيران بحال ضرصة العقل… ما كتخرج حتى تمحن مولاها…. أما يلا بغيتي تحايدها واهلييييييييييييييييييييييييييييييييييييي….
