كيفاش
نشر سفيان البحري، صاحب صفحة الملك محمد السادس على موقع فايس بوك، صورة جديد للملك مع مواطنة مغربية تدعى لبنى بنهيمة، في شارع المسيرة في الدار البيضاء.
وقالت لبنى للبحري: “كنت فشارع الزرقطوني مع ديك الربعة ونص وبان ليا كاين نشاط غير عادي قلت واقيلا الملك غادي يدوز من هنا، شويا كيبانو ليا البوليس اللي فالطريق كايعطيو التحية، درت نشوف ما توقعتش سيدنا غادي يكون مورايا، هبطت الزاجة ديال السيارة وخرجت راسي وبديت كانسلم عليه وقلت لو بغيت صورة”.
وأضافت لبنى: “سيدنا كان كيهدر مع المستشار ديالو فؤاد عالي الهمة، وأنا قلت نبقا تابعاه وخا نبقا غي نشوف فيه، بقيت تابعاه واحد الشويا وهو يشوف فيا، وقال ليا: واخا مرحبا، بقينا غاديين قد قد فالطريق حتا وصلنا لشارع المسيرة، وهو يوقف وأنا نزلت من الطوموبيل سلمت عليه وقال ليا عطي التيليفون للحارس باش يصورنا”.
وكان شريط فيديو نشر، أمس الخميس (28 يناير)، على موقع يوتيوب، يظهر لبنى أثناء التقاطها صورة مع الملك محمد السادس، ويبدو أن الفيديو التقط من إحدى العمارات المقابلة لمكان التقاط الصورة في شارع المسيرة.
https://www.youtube.com/watch?v=ulS-Ax6gaJs
