مهدي بنكيران سمع الأغلبية كتهضر على دنيا بطمة والحفل اللي دارت لبنتها، لقاها فرصة مواتية باش يدير شوية ديال “البوز” اللي كيقلب عليه بالريق الناشف، ولقاها موجة يركب عليها ولكن من زهرو خرجات فيه تسونامي. كيفاش؟
من بعد محاولات عديدة باش يتصالح مع دنيا بطمة، وكيحط الصور ديالها باش يدير ليها الخاطر، “مرافق النجوم ومصمم الأزياء” الوهمي مهدي بنكيران اختار الطريق الثانية وحاول يكلاشي دنيا بطمة.
مهدي دار لايف فإنتسغرام وقال باللي “الناس اللي كتزاد عليهم مليون كيحاولوا يديرو فيها وصلوا”، وباللي حتى هو ما خلى فين مشا هاد الصيف ولكن بالسترة احتراما لمشاعر الآخرين.
وزاد قال باللي هاد الناس تماداو في البدخ، وبداو كيديرو حفلات عيد ميلاد والعقيقة على شكل مهرجانات، في إشارة واضحة لدنيا بطمة وحفلاتها الشهيرة.
ولكن رد دنيا بطمة كان سريع ومفصل، وطلقات منشورات بتقنية ستوري على إنستغرام ديالها، وقالت للمهدي باللي من بعد ما حاول يتصالح معاها بشتى الطرق وتجاهلاتو، دابا كيحاول يتفلسف عليها، وتحداتو يدير بحال داك عيد ميلاد يلا كان عندو الفلوس.
دنيا بطمة ما رحماتش “الضحية”، وجبدات ليه الأمور العائلية، كذلك واصفة إياه بأبشع النعوت.
