هاد الشي ولّى زايد كيخلع. فتاة عندها 14 عام تعداو عليها الشفارة وكانو باغين يغتاصبوها.
أحد الفايسبوكيين نشر تدوينة يشرح فيها حالة الفتاة، التي تدعى فرح وتبلغ من العمر 14 سنة.
وكتب حسن بن يحيى: “فرح فتاة فاسية عندها 14 السنة ساكنة بحي المرجة بفاس. هبطات من حي المرجة في اتجاه حي 45 لزيارة الاخت ديالها. هنا غتعرض لعملية سرقة من طرف ثلاثة أشخاص، خداو ليها الهاتف وسنسلة ومبلغ مالي قدره 50 درهم. المجرمين الثلاث وبفضل التسيب الامني اللي كتعرفو مدينة فاس، غادي يختطفوها في اتجاه واحد الشجرة، وغيحاولوا يغتصبوها وبسبب المقاومة ديال هاد لبنية غتعرض لضرب على جميع مستويات جسمها”.
وتابع: “فرح اليوم تعاني نفسيا من جراء هاد الاعتداء لي خلف ليها تشوهات فالجسم ديالها. الآن أحسن حاجة ممكن تقدم لهاد الطفلة هي التعريف بقضيتها، أولا لأجل الظغط في اتجاه تحرك الامن باش يجيبوليها حقها. والثاني إذا وجد أي طرف ممكن يساعدها فالتخلص من التشوهات لي تسبوا فيها هاد المجرمين. خصوصا ان فرح لا تزال طفلة وامامها حياة طويلة ان شاء الله”.
