ديديي بيكايرت، الفرنسي المقيم في المغرب، واللي بان في فيديو كيتكرفص على الراية المغربية وما احترمهاش، صدق عندو مشاكل مع أصحاب المحل اللي كاري، واللي كيتهموه باستغلال أمية ديال سيدة مسنة والجهل ديالها بالقانون. كيفاش؟
في اتصال لموقع “كيفاش” مع لعربي ذ، حفيد الحاجة خديجة ب، واللي هي صاحبة المحل اللي كاريه ديديي بيكايرت وداير فيه مطعم وبار، كيقول حفيد الحاجة: “ديديي دار عقد مع الجدة ديالي سنة 2010 بحيث كان عندها 94 سنة وهي سيدة أمية، ودار معاها في العقد 4000 درهم للشهر بزيادة 10 في المائة كل 3 سنوات، ولكن ما قالش ليها باللي غادي يدير الخمر في المحل، وحيث أنا ما كنتش في المغرب وحتى الأم ديالي اللي هي بنتها الوحيدة، ما لقاتش جدتي اللي يوقف باش يعطيها حقها، وصدق السيد داير ما بغا وتفلا عليها”.
وكيقول لعربي ذ. أنه حاول يهضر مع بيكايرت ولكن بدا كيتنفخ عليه، وكيقول حفيد الحاجة فهاد الشي: “وفاش رجعت من فرنسا، قلت ليها 4000 درهم ثمن قليل بالنسبة للموقع وبالأخص داير في المحل الخمر، وباللي بيكايرت والشريك استغلوها وداروها بيها، وفاش هضرت معاه هو قالي بصاح استغليت السذاجة ديال جداك، وجهدك جريه أنا كاع الناس ديال السلطة ديالي”.
وفي الأخير قال لعربي باللي لا هو ولا الجدة ديالهو ما محتاجين لا فلوس لا والو، ولكن بغا يبينو الحقيقة ديال هاد السيد قدام الرأي العام، باش يعرفوه أن استغل امرأة أمية ودار ثروة، حيث يؤكد المتحدث أن الطاولة الواحدة فالمطعم ديال بيكايرت كتخلي ليه في اليوم حتى ل5000 درهم ديال الربح.
إقرأ أيضا:
