محمد المبارك
يبدو أن بعض الشباب ضاقوا ذرعا من انتظار تدخل المسؤوليين المحليين، وقرروا يديرو شرع يديهم، ولكن فالحاجة الزوينة. كيفاش؟
مجموعة من سكان مقاطعة سايس في مدينة فاس دارو “شرع يديهم” فالحي ديالهم هاد رمضان، وبداو كيسدو كاع الحفاري اللي كاينين في الطريق، ومن تمويل شخصي.
سكان الحي رقعوا، البارح الأربعاء (30 ماي)، الحفاري اللي في الحي، واللي هي سبب العديد من حوادث السير وتعثر المارة في الطريق.
وحسب ما جاء على لسان أحد السكان، فإنهم راسلوا مسؤولي المقاطعة مرارا وتكرارا، وبجميع الطرق، ولكن لا من مجيب.
