قال التلميذ محمد براء حداشة، الحاصل على معدل 10/10 في الامتحان الموحد الإقليمي لمستوى السادس ابتدائي، وحتى فالمراقبة المستمرة، “كنت كنسمع النصائح ديال الأساتذة ديالي كاملين، وأنا فخور بهاد النتيجة اللي كنتمنى نكون شرّفت بيها عائلتي ومدرستي والأساتذة وحتى مدينتي تازة، والوطن ديالي كذلك”.
وعن الاستقبال الذي خصصه رئيس الحكومة، سعد الدين العثماني، له ولوالديه أمس الثلاثاء (17 يوليوز)، في ملحقة رئاسة الحكومة، قال في تصريح هاتفي لموقع كيفاش: “السيد رئيس الحكومة استقبلنا تشجيعا للتفوق الدراسي، وكنشكرو من هاد المنبر، وقالي انت فالمستوى الابتدائي جبتي عشرة من المفروض خاص تزيد القدام ويلا وصلتي للمستوى التاسعة خاصكش تجيب لينا أكثر من عشرين”.
وعن وصفته التي أعانته على تحقيق هذا المعدل القياسي في سن مبكّرة، قال براء: “كنت كنركز بزاف على الدراسة ديالي أولا عاد كنشوف الأنشطة اللي كنميل ليها، من جد وجد ومن زرع حصد”.
من جانبه، قال جمال حداشة، والد التلميذ “المعجزة”: “فرحت بزاف بالنتيجة ديال ولدي صراحة دار مجهود كبير والفضل كيرجع بعد الله للأستاذة الكرام ديالو والأطر التربوية وكانتمنى التوفيق لجميع التلاميذ”.
وتحدث والد براء عن فرحته بما حققه ابنه وطموحِه في أن يصل إلى أعلى المراتب، “كيف قاليه السي العثماني الطموح ديالنا أنا والأم ديالو يجيب أكثر من النقطة الكاملة، كيف كنسمعو في فرنسا وبلجيكا على التلاميذ اللي كيجيبو أكثر من نقطة عشرين، وكيف شفنا وسمعنا على المغربية في فرنسا اللي جابت 21 على عشرين حيت متفوقة بشكل كبير، خاص تعطاه الفرصة، وكنتمنى أبناءنا يشرفونا فكل المناسبات وعلاش لا حتى فالمحافل الدولية”.
