• لشكر: اللي داير الانتخابات باش يرجع للمعارضة اللي يطليه بها… وما عنديش طموح نستمر فالكتابة الأولى للاتحاد الاشتراكي
  • لشكر: الأغلبية الحكومية تعيش تسابقا على من يقود الحكومة المقبلة… ونحن حزب لا نبحث على التموقع
  • في حوار طريف وعفوي.. مجموعة فناير تكشف كواليس غيابها وتُقيم مستوى الأغنية الشبابية (فيديو)
  • لشكر مهاجما التقدم والاشتراكية: كانوا “كيفلورتيو” مع بعض الأطراف فالأغلبية… وملتمس الرقابة تمت شيطنته
  • بعد تحطيم حفله رقما قياسيا في موازين.. تكريم راغب علامة من قبل سفير لبنان في المغرب (فيديو)
عاجل
الأربعاء 04 أغسطس 2021 على الساعة 23:00

صاحب قاعة رياضية: تقهرنا بالسدان… وكنعرف ناس تسطاو ملي سدو ليهم (فيديو)

صاحب قاعة رياضية: تقهرنا بالسدان… وكنعرف ناس تسطاو ملي سدو ليهم (فيديو)

“واش كورونا كاينة غير عندنا؟”… هكذا عبر صاحب قاعة رياضية في الرباط عن غضبه من الإغلاق الذي فرضته الحكومة للحد من انتشار وباء فيروس كورونا المستجد.
وقال صاحب قاعة رياضية في تصريح لموقع “كيفاش”، “بغينا نعرفو شنو السبب اللي خلاهم يتاخذو هاد القرار فحق القاعات الرياضية… حنا خدامين ومحتارمين التدابير الاحترازية وفين ما كدوز عندنا اللجنة كتلقى كلشي مزيان”.
وأضاف “المشكل ما كيعزلوش القاعات الرياضية اللي ما محتارماش التدابير الاحترازية المعمول بها ولكن ملي كيكون المشكل كيسدو على كلشي وهاد الشي اللي كيصدمنا وكيألمنا”.
وتابع “كنعرف ناس اللي كانوا عندهم قاعات رياضية وملي سدو ليهم تسطاو حيت ما كان عندهم حتى شي مدخول آخر وكيعيشو النهار بنهارو وكاينين ناس اللي هازين عائلات دابا شنو غيديرو ملي سدو عاوتاني”.
وختم حديثه بالقول “على الأقل يخليو غير الناس اللي دايرين التلقيح يجيو للقاعات الرياضية… را حشومة البحر عامر وشي لاصق مع شي ويسدو لينا حنا اللي كنترزقو على الله”.
وختم حديثه بالقول “تحكرنا وسمحنا فبزاف دالحوايج على قبل بلادنا وملي كتشوف بحال هاد الشي كيضرك خاطرك”.