جمال الرياضي
شفارة في شكل قاموا، ليلة الجمعة السبت (11/12 يناير)، باقتحام وسرقة مقرات جامعات المسايفة والمصارعة والجيدو، اللي موجودين في مركب محمد الخامس في الدار البيضاء.
الشفارة حيدو النافذة ديال الحديد ودخلوا لجامعة المسايفة وخواو الثلاجة فكروشهم، وملي شبعو مزيان خداو مجموعة من أجهزة الكومبيوتر والوثائق قبل ما يزورو مقري جامعتي المصارعة والجيدو اللي خداو منهم حتى هوما أجهزة كومبيوتر وفلوس وشيكات.
الغريب أن هذه السرقة أتت قبل تسليم السلط بين الرئيسين الجديد والقديم لجامعة الجيدو وبعد أيام من توصل جامعة المسايفة بطلب من وزارة الشباب والرياضة لتفسير مصير حوالي 60 مليون سنتيم من ميزانيتها. والأغرب أن الشفارة خلاو مجموعة من المسروقات حدا السور ديال المركب لأسباب ما زالت غامضة واكتفوا بأخذ الوثائق والشيكات وحواسيب محمولة.
