عصام أيت علي
المنشور اللي دار الفنان عبد الفتاح الجريني بخصوص قضية سعد لمجرد ماشي هو مولاه. كيفاش؟
مصدر موقع “كيفاش” قال باللي مول أغنية “جابرا فان” ماشي هو اللي حط المنشور اللي كتب فيه: “المقدرة ممكن أن توصلك إلى القمة.. لكن الأخلاق وحدها تبقيك”، وأن الأدمين ديال الصفحة ديالو هو مول الفعلة.
الجريني اتصل بالأدمين وغوت عليه وقال ليه حيد التدوينة دابا، راه ماشي وقتها.
التدوينة، اللي كانت مبرمجة على الصفحة قبل اعتقال لمجرد، أثارت الجدل، نهاية الأسبوع الماضي، واعتبر البعض أنها تدخل في خانة التهكم على سعد لمجرد، المشتبه فيه في قضية اعتداء جنسي على فتاة.
