اجتاحت مواقع التواصل الاجتماعي تأويلات مفادها أن طبيعة امتحانات الباكالوريا هذه السنة لا تشبه سابقاتها، ذلك أن واضعي الامتحان اقتصروا على أسئلة الفهم.
سالا زمان الحفاضة!
واشتكى عدد من الممتحنين هذه السنة من صعوبة الامتحانات، مشيرين إلى أن “زمن الحفاظة مشى”.
وكتب أحد المعلقين “نهاية حقبة حفظ وعرض ديال الماط والفيزيك”.
وعلق آخر “حشومة عليهم عينا ما نحفظو أو نخدمو أو فلخر ما درنا والو حطمونا”.
وجاء في تعليق آخر “معمر شي وطني تحط بحالو ناري بزاف”.
شنو تبدل؟
ونقل موقع “كيفاش” أسئلة الرواد إلى أستاذ ثانوي، حيث أكد أن تغييرات بسيطة طرأت على امتحانات الباكالوريا الخاصة بهذه السنة، مشيرا إلى أن التغييرات في امتحانات الباك انطلقت منذ جائحة فيروس كورونا.
وقال الأستاذ سعيد في تصريح لموقع “كيفاش” إن “الامتحان هاد العام كان كيعتمد على الفهامة أكثر، يعني كان تقريبا 80 في المائة ديال الفهامة، وبعض الأسئلة قليلة اللي كانت صعيبة”.
وأضاف “من جائحة كورونا يعني من عام 2020 بدات النمطية ديال امتحان الباك كتبدل باش التلاميذ ما يبقاوش يحفظو للامتحانات”.
وتابع “دابا يلا شفنا من قبل كورونا كانو الامتحانات كيبقاو غير كيتعاودو يعني الأسئلة تقريبا كتكون مباشرة والتلميذ كيبقى يخدم بزاف الامتحانات اللي فاتو بحال يلا كيحفظ، وحنا كنعرفو أن المواد العلمية ما خاصهاش تحفظ خاص التلميذ يفكر فيها وتكون شي حاجة ذهنية باش هاكا نحكمو على المستوى العلمي ديالو”.
وأوضح الأستاذ أنه “هاد الشي علاش اللجن اللي كيحطو الامتحانات فكرو أنهم يبدلو النمطية ديال الامتحان باش هاكا نعرفو المستوى الحقيقي ديال التلميذ في المواد العلمية وحل المسائل العلمية”.
وكشف الأستاذ في التصريح ذاته، أن “هاد العام كانت شوية الصعوبة، مثلا مادة الفزياء كانت صعيبة، ومادة علوم الحياة والأرض كانت فالمتناول والنمطية ديالها ما تبدلاتش إلى حد الآن، أما مادة الرياضيات كانت تقريبا فالمتناول إلا بعض الأسئلة قليلة اللي كانت صعيبة شوية”.
