أبدى الدولي المغربي أمير ريتشاردسون إعجابه من مستوى كأس أمم إفريقيا المقامة في الكوت ديفوار.
وقال أمير في تصريح للموقع الرسمي للجامعة “التأهل لدور الثمن حاجة مزيانة لينا وللشعب المغربي، وهادي مسابقة من المستوى العالي وما عليا غير ناخذ الخبرة”.
وأضاف “عندنا مجموعة واعرة بزاف، وكنشوفها بلي أفضل مجموعة فالكان”.
وتابع “كاين بزاف دالمفاجآت فهاد الكان، وهذا صراحة كيحفزني، وكل منتخب كيمتلك مستوى جيد”.
وواصل “الأجواء كدوز بشكل مزيان، وكل واحد فينا كيستمتع بوقتو، وكنضحكو مع بعضياتنا فوقت الضحك، وككون جديين في وقت الجد وهادي حاجة مزيانة”.
وختم حديثه بالقول “كيفما قال المدرب، حنا هنا فمهمة، وملي بدات المسابقة وكيقول لينا واخا ماعرت شنو يوقع خاصنا نبقاو مركزي، غادي نكملو فالخدمة ديالنا حتى نحققو الهدف اللي جينا عليه”.
يشار إلى أن المنتخب المغربي سيواجه في ثمن النهائي نظيره الجنوب أفريقي، يوم الثلاثاء القادم (30 يناير)، على أرضية ملعب لاورينت بوكو، انطلاقا من الساعة التاسعة مساء.
