أثار إعلان رئيس الحكومة، عزيز أخنوش، الزيادة في سعر قنينة الغاز من فئة 12 كلغ، بـ10دراهم سنويا، مخاوف من ارتفاع ثمن الخبز العادي الموجه للاستهلاك في المرحلة المقبلة.
كلفة الإنتاج
في تصريح لموقع “كيفاش”، أوضح الحسين أزاز، رئيس الجامعة الوطنية لأرباب المخابز والحلويات بالمغرب، أنه “10 دراهم كل سنة إلى حدود 2026 كيعني البوطة غتوصل لـ70 درهم”، مبرزا أن “هاد الشي غادي يأثر على كلفة الإنتاج”.
وشدد رئيس الجامعة الوطنية لأرباب المخابز والحلويات بالمغرب، على أن “أي واحد كيستعمل البوطة لابد ما يكون تأثير على كلفة الإنتاج اللي خاصنا نقصو منها باش نحافظو على الثمن اليوم منين كنزيدو فيها هذا موضوع آخر”.
وقال أزاز، إن “كلفة الإنتاج مأثرة علينا بزاف لكن فاش كنشوفو الدولة كدير مجهود حتى حنا كنديرو مجهود كنراعيو للقدرة الشرائية ديال المواطن ما كاينش شي واحد يقدر يفوت درهم و20 سنتيم للخبز العادي”. وتابع المتحدث ذاته: “كاين التزام تاريخي وأخلاقي وكذلك مهني كيجعلنا في مقاولة اجتماعية واقتصادية”.
دعم الدولة
ولفت الحسين أزاز، إلى أنه “اليوم الدولة كدعم الدقيق الممتاز “الفورص” لجميع فئات المغاربة وهذا أمر محمود مع العلم أننا لا زلنا نستورد بفعل الجفاف والإكراهات الدولية وبالتالي الدعم مهم”.
وسجل رئيس الجامعة الوطنية لأرباب المخابز والحلويات، قائلا: “ما غاديش نسبقو العرس بليلة نتاضرو وكاين حوار وبرنامج تعاقدي بيننا وبين الحكومة حينئذ لكل مقام مقال”.
