كشف رئيس الرجاء الرياضي، عادل هالا، كواليس الرحيل المفاجئ للحارس أنس الزنيتي عن الفريق، موضحا أن مغادرة الحارس الرجاوي السابق كانت نتيجة لعدة عوامل مالية وتنظيمية.
وقال هالا في حوار له مع “راديو دوزيم”، إن: “الزنيتي كانوا عندو ديون متراكمة، بالنسبة للموسم الماضي المكتب خلص ليه جميع المستحقات ديالو، ولكن عندو ديون اللي وصل عليها التقادم، كان خاصو يدير حل ولى غتمشي ليه كاملة”.
وأضاف هالا: “هاد الديون تقدر تقريبا بـ280 مليون سنتيم زائد الشطر الأول من منحة التوقيع ديال العام، ويلا جمعناهم غادي توصل تقريبا 400 مليون. وميزانية النادي ما يمكنش الآن تخلص 400 مليون للاعب واحد باش يبقى، يعني حتى الحل ما كانش عندنا، إما نخلصو 400 مليون ولا يمشي فابور، ونوليو خاصنا نخلصو حتى قيمة العقد ديال نهاية الموسم”.
وتابع الرئيس الرجاوي قائلا: “الزنيتي هو اللي اتصل بينا وقال لينا بغيت نمشي وهادو هما الشروط ديالي. ولقيّنا أن الحل الأنسب للنادي هو أننا نحيدو 250 مليون، والباقي وافق أنه نخلصوه ليه على دفوعات باش النادي يقدر يخلصها بلا ما نوصلو للنزاعات”.
يشار إلى أن الزنيتي انفصل عن فريق الرجاء الرياضي بعد علاقة دامت لأزيد من 9 سنوات.
