تحدتث حكيمة حيميش، عضو لجنة النموذج التنموي، عن بعض المشاكل أو الملاحظات التي وقفت عليها اللجنة خلال جلسات الاستماع التي أجرتها مع عدد من الطلبة والشباب في بنجرير والجديدة وإفران.
وقالت حيميش، خلال ندوة صحافية، عقدتها لجنة النموذج التنموي اليوم الثلاثاء في الرباط (4 فبراير)، “في البداية فاش مشينا قلت هاد الوليدات جايهم جطو والشامي والطوزي واش هاد الطلبة غيهضرو معانا؟ غيحلو لينا قلبهم؟ وفالحقيقة حلو لينا قلبهم وهضرو على مشاكلهم”.
وأضافت حيميش أن أول مشكل تحدث عنه هؤلاء الطلبة هو مشكل اللغة، موضحة “واحد قالينا: أنا حتى واحد ما قال لي باللي يلا ما كنعرفش الفرنسية وما كنعرفش نهضر بيها مزيان ما غنلقاش خدمة، وشي وحدين قالو لينا ملي كنخرجو من الليسي ما كنعرفو لا العربية والفرنسية والانجليزية.. قالو لينا دبا حا هنا كنقراو ولكن الكلية ما بقاش كتشكل داك المصعد للخدمة”.
وأشار المتحدثة إلى أن المشكل الثاني هو الرشوة، “تشكاو من الرشاوي فالكلية، النفط كتتشرى، والنوع الاخر من الرشوى”، مردفة “المشاكل ديالهم ماشي غي مع الجامعة، كيتشكو من الإهمال… والسياسة ما بقات عندهم تقة فيها ولا فالأحزاب”.
وتابعت حيميش: “جاني عجب شحال ديال البنات والولاد تكلمو على غياب الحرية الجنسية، وكيقولوا ليا يلا خرجنا ماعند حرية فالزنقة، وهضرو حتى على الثقافة”.
ونقلت حيميش مجموعة من التصريحات التي سمعتها اللجنة عن الطلبة الذبن التقتهم، ومن بينها تصريح لشاب خاطب اللجنة بالقول: “حنا فمجال ملوث، وما يمكنش نتسناو اللجنة تلقى حل… خاص نلقاو حل غدا ماشي من دابا 2030”.
وأضافت حيميش: “واحد اخر قالينا باللي ما بقاش الاحترام للأساتذة، واللي أثر علينا وكاين فينا اللي بكاو من بعد اللقاءات مع هاد الأشخاص، خصوصا واحد سولناه باش كتحلم قالينا ماكنحلمش واش باقي شي واحد كيحلم، وواحد قالينا أنا غنقرا ونمشي للخارج نخدم وندير ولادي تماك ماغنولدش هنا، ولكن كاين اللي قالينا غنضارب هنا وندير كلشي فبلادي وما غنتسناش من الدولة تدير ليا”.
