• منتدى الحوار البرلماني جنوب-جنوب.. دعوة إلى سن تشريعات تؤطر استخدام الذكاء الاصطناعي
  • التامك: إقرار النظام الأساسي الجديد هدفه رد الاعتبار لمهنة موظفي السجون… والمندوبية ستظل حازمة تجاه أي ممارسات غير مهنية
  • على هامش “معرض السفر العربي” بدبي.. توقيع مذكرة تفاهم بين المكتب الوطني للسياحة وطيران الإمارات
  • بمقاربة “تشاركية واحترافية”.. الدار البيضاء تطلق مرحلة جديدة من ماراثونها الدولي
  • الثاني من نوعه.. رئيس الحكومة يترأس اجتماعا لتتبع تنزيل خارطة طريق قطاع التشغيل
عاجل
الجمعة 01 يونيو 2018 على الساعة 23:02

حسن الخطاف: هادوك شفارة وقطاع طرق وداك الشي على رمضان والفساد غير واحد فيهم اللي قالو!

حسن الخطاف: هادوك شفارة وقطاع طرق وداك الشي على رمضان والفساد غير واحد فيهم اللي قالو!

محمد المبارك

قصة الاعتداء اللي وقعات ديال مجموعة ملثمين ضربو رجل وامرأة خرجو منها بزاف ديال السيناريوهات اللي خلات التعاليق مختلفة.
عن تفاصيل الواقعة، كما يروها الضحية حسن،الذي يشتغل “خطاف” في منطقة جمعة سحيم، فالحادث وقع يوم الخميس الماضي (24 ماي)، عندما طلبت منه إيمان (الفتاة التي ظهرت في الفيديو)، وهي طالبة جامعية، تقيم على بعد 10 كلم من جمعة سحيم، أن يقلها إلى منقطة بعينها قصد إنجاز بحث.
ويقول حسن: “من بعد ما دخلنا مع البيست تلقاو لينا فالطريق جماعة من الملثمين، مسلحين بهراوات وكلابات، وحلو علينا السيارة اللي كانت الأبواب ديالها مفتوحة، وتعداو على البنت بلا ما يهضرو معاها، ودازو ليا سلخوني، وبداو كيشفرو، وخذاو لينا التلفونات والفلوس وكاع داك الشي اللي عندنا”.
واسترسل المتحدث: “من بعد فاش بدينا نطلبوهم، قال لنا واحد ‘واش ما حشمتوش جايين لهنا فرمضان’، حاولات البنت تقنعهم باللي هي طالبة وجاية تدير بحث، ولكن الحلوف ديالها غير زاد هيجهم ورجعو للضرب، وواحد فيهم حاول يوقف الجماعة من الضرب، وهنا استغليت الفرصة وطلعت للطومبيل، وهربنا وقصدنا الجضارمية، ودرنا شكاية، وخرجو معانا لمكان الحادث ولكن لحد الآن باقي ما لقاو حتى واحد”.
وقال حسن “الخطاف”، في نهاية روايته للاعتداء: “هادو راه شفارة، سرقونا وداو لينا كاع داك الشي اللي عندنا، وهرسو ليا الطوموبيل ديالي، داك الشي اللي كيقولو على رمضان والفساد راه غير واحد فيهم اللي قال ديك الهضرة، أما هما شفارة، قطاع طرق، نتمنى من المسؤولين يجيبو ليا حقي، لأن هاد الناس تعداو عليا، نفسيا وجسديا وماديا، وحتى الطوموبيل كلها مفرشخة”.