عصام أيت علي
سعيد حسبان، رئيس فريق الرجاء الرياضي لكرة القدم، رد على المنخرط اللي اتهمو بالنصب والاحتيال.
موقع “كيفاش الرياضية” سول حسبان على الفيديو والشكاية اللي تقدم بها المنخرط الرجاوي، فكان الجواب ديالو بأنه حتى هو غادي يدعيه فالمحكمة نهار الاثنين الجاي (26 دجنبر)، حيت ما عندوش الحق باش يصورو.
رئيس الرجاء أكد أن المنخرط، الذي صور الفيديو، يريد ابتزازه، لأنه لم يقبل به في المكتب المسير، مشيرا إلى أن صاحب الفيديو كان يرغب في ترؤس اللجنة التنظيمية.
وأضاف حسبان: “القضية بدات فاش حط الشيك ديالو باش ينخرط، ولكن رجع لينا الشيك حيت ما عندوش الرصيد، وجا لعندنا باش نرجعو ليه الشيك باش يلقا الحل مع البنك ديالو”.
وزاد حسبان: “هو قال الشيك رجعناه ليه حيت قلنا ليه التوقيع ما وضحش، ولكن راه الشيك كان بدون رصيد، والتوقيع كان مزور”.
وعن الفيديو، قال حسبان إن المنخرط ليس له الحق في القيام بذلك، مضيفا: “واش خدا شي إذن من عند وكيل الملك باش يصورني؟ راه ولينا دابا فحرب العصابات”.
وزاد قائلا: “قبل أي مباراة مهمة للرجاء، نسمع مثل هذه الإشاعات أو الأخبار التي لا نعرف ما الهدف منها”.
وأشار رئيس الرجاء إلى أنه يشك في “رجاوية” هؤلاء الذين يرغبون في تشويه سمعة الفريق.
وعن الشكاية التي اتهم فيها المنخرط حسبان بالنصب عليه، أكد حسبان بأن المكتب هو الذي سينظر في ملف المنخرط من أجل منحه بطاقة الانخراط أم لا.
