في كأس العالم في روسيا، المتابعين المغاربة بداو كيبقششو في الحياة الخاصة ديال اللاعبين، واللي أغلبهم متزوجين والزوجات ديالهم معروفات.
حكيم زياش، لاعب أياكس أمستردام الهولندي، كان من بين اللاعبين اللي خرجات عليه شائعات كثيرة، أشهرها العلاقة ديالو مع عارضة هولندية أكبر منو في السن .
يوم أمس الأربعاء (15 غشت)، نشرت صفحة هولندية على إنستغرام مقطع فيديو لزياش مع شابة مغربية، كيقولو أنها صديقة ديالو، بحيث كانت دوزات معاه فصل الصيف فمراكش وكيبان في الفيديو راكب معاها على دراجة نارية.
هاد الفيديو خلق جدل واسع، خصوصا أن حكيم زياش واحد من الشباب المتألقين في المنتخب المغربي واللي عندو معجبات كثار. وكتب أحد المتابعين ساخرا: “حسن عوان المعجبات”. وقال آخر: “وا زياش كيضرب من تحت دف، حتى واحد ما عارف اش تحت راسو”.
