محمد المبارك
في اتصال مع موقع “كيفاش”، سرد الفنان الكوميدي عبد الفتاح جوادي تفاصيل حادثة الاعتداء الذي تعرض له من طرف مجهولين، ليلة أول أمس الأحد (13 ماي).
وقال الكوميدي: “كنت فطوموبيلتي، راجع فطريقي للدار مع 1 ونص ديال الليل، وقفت فسطوب حدا ‘روش نوار’، وقفات حدايا طوموبيل، فيها زوج ديال الناس، طلبوا مني نوقف ياخذوا معايا صورة تذكارية، وأنا اعتقدت باللي من المعجبين، بلاصيت الطوموبيل ونزلت عندهم، ودار واحد فيهم بحال يلا غيتصور معايا، والآخر ضربني من التحت وأنا نطيح للأرض”.
وتابع المتحدث: “فديك اللحظة ركلوني برجليهم على وجهي، وفاش كانو بغاو يمشو رجع عندي واحد فيهم وقالي”إبوا هاد المرة دخل سوق راسك”، أنا للأسف ما خذيت لا رقم لوحة السيارة ولا نوعها وحتى الوجه ديالهم ما بقيتش عاقل عليه مزيان، وفاش مشيت عند البوليس نرفع شكاية، ما لقيتش عندي معطيات حيث لا يمكن نتابع مجهولين”.
وحول ما إذا كان يشك في شخص أو جهة معنية قال جوادي: “ما نقدر نظلم حتى واحد، حيث صعيب نفكر شي واحد يدير ليا هاكا”.
