تتجه أنظار عشاق كرة القدم الإفريقية، يوم غد الأربعاء فاتح نونبر، إلى ملعب رادس بتونس، حيث ستجرى مباراة إياب نصف نهائي كأس السوبر الإفريقي بين الوداد والترجي.
ورغم فوزه في مباراة الذهاب بهدف دون رد، إلا إن الفريق الأحمر مطالب بتعزيز نتيجته بأهداف جديدة أو الحفاظ على مرماه من أجل التأهل إلى المباراة النهائية والاقتراب من الفوز باللقب القاري، في الوقت الذي سيحاول فيه الترجي التونسي تسجيل أهداف لحسم المباراة إلى صالحه خاصة وأن المقابلة ستجرى في ميدانه وأمام جماهيره.
وفي تعليقه على المباراة، أوضح المحلل الرياضي بلعيد بويميد، في تصريح لموقع “كيفاش” أن الوداد يعاني من مشكلا أساسيا وهو عدم توفره على مهاجمين لتسجيل الأهدف، مشيرا في الوقت ذاته إلى أن مدرب الفريق الأحمر عادل رمزي ليس لديه تجربة إفريقية كبيرة.
وقال بويميد في اتصال مع الموقع إن “المشكل الأساسي ديال الوداد ما عندهمش مهاجمين كيسجلو الأهداف، دائما التسجيل كيجي من طرف اللاعبين ديال الدفاع ولا وسط الميدان”.
وأضاف أن “أحسن ما دارو فمباراة الذهاب أمام الترجي هو أنه ما تسجل عليهم حتى هدف”.
وانتقد المحلل الرياضي التغييرات التي قام بها المدرب عادل رمزي، مشيرا إلى أنها “بينات أنه ما عندوش تجربة كبيرة إفريقيا”.
وأشار بلعيد إلى أن “مدرب الترجي في مباراة الإياب مرغم أنه خاصو يسجل أهداف، والوداد ما عرفناش واش غادي يختارو يلعبو مدافعين وغادي يديرو القضية ديال مسجلين هدف إذن رابحين خاصنا ندافعو باش نحافضو عليه، ولا غادي يقولو را عندنا كفاءات ويفسحو اللعب ويكونو هجوميين لا بالنسبة لاختيارات المدرب ولا بالنسبة للقناعة ديال اللاعبين”.
وأبرز المحلل أنه “عندنا تاريخ طويل مع الترجي وكنعرفو بعضياتنا مزيان والتاريخ يشهد بذلك”.
ومن جهة أخرى، تطرق المحلل الرياضي بلعيد بويميد إلى قضية الحكام، قائلا إن “دابا السؤال المطروح هو أن الواحد خاصو يتخوف من التحكيم حيت شفنا شي حوايج ماشي هي هاديك ماشي بالنسبة للوداد ولكن بالنسبة للمسار عامة ديال الحكام الأفارقة، ماشي التهم القديمة الكلاسيكية اللي بدائية، ولكن من جانب الكفاءة ديالهم”.
وتابع أن المدرب “عادل رمزي هو صاحب الحل والعقل، ورا كيقول أنا أنا أنا يعني را حتى واحد ما بقى كيدخل فيه، دابا شكون خاصو يختار من الاعبين وشكون غادي يلعب هادي هي التساؤولات المطروحة خاصة أن الملعب غادي يكون مملوء على أكمله”.
وختم حديثه بالقول إن “جانب التحكيم وجانب الجمهور هاد الشي كلو أمام واحد المدرب اللي ما عندوش تجربة قارية كبيرة، عندو ثقافة تبارك الله عندو الطريقة الهولندية ديال التكي طاكا وشحال من حاجة، ولكن نشوفو دابا كيفاش غادي يتعامل مع هاد المرحلة اللي صعيبة وأي خطأ غيكون الثمن ديالو غالي”.
