فبني ملال دري صغير كيتعداو عليه شي ولاد دربهم جنسيا.
وحسب معطيات توصل موقع “كيفاش” بها من طرف سيدة صورت الحالة، فإن طفلا يقطن مع والدته في حي العامرية في بني ملال تعرض لاعتداء جنسي وجسدي، من قبل مراهقين يقطنان في الحي نفسه.
وقالت: “الدري ضربوه بموس والولد أصلا مريض واغتصبو ولد بوليسي وولد خضار، بحيت كانو كيستغلو الغياب ديال الأم حيت كتخدم على ولدها، وكيتعداو عليه”.
وتابعت: “فاش عرفات الأم داك الشي مشات تقدمات بشكاية للبوليس، لكن فاش سمعوها جاو هددوها، خصوصا اللي باه بوليسي، الشي اللي خلاها تغير الأقوال وتقول غير غلطات فالسمية”.
المتحدثة أشارت إلى أن وضعية الطفل مزرية، حيث قالت: “الدري غادي وكيتبنت، بعدما وقع ليه هاد الشي”.
وأفادت المتحدثة بأن الأم تعيش حالة فقر، حيث تقطن هي وابنها في مطبخ في حي العامرية الزنقة 10.
