الرابور “حليوة” والرابور “كومي” و”ديزي دروس” هما أول وحدين جاوبوا “البيغ” على “التراك” اللي كلاشى فيه الروابا كاملين، وكل واحد فيهم حط الرد ديالو بطريقتو الخاصة.
حليوة.. 57 كلغ
الرابور “حليوة” حط “ستوري” على إنستغرام، كتب فيها باللي غادي يدير “تراك” بعنوان “57 كلغ” في إشارة لأغنية “البيغ” اللي العنوان ديالها “170 كلغ”، وحط صورة فيها زوج نمور كيعضوا غزالة، وحط راسو هو الغزالة، النمورا هما “البيغ” ومغني الراب “مسلم”.
كومي.. 180 كلغ
أما مغني الراب “كومي” فحط مقطع فيديو على إنستغرام، كيهز فيه 180 كليوغرام فالقاعة الرياضية، وكتب عليها: “أجي أنت والبزقول ديالك نقصر بيكم”، قصدا منو أنه قادر يكلاشي “البيغ” وولدو.
ديزي دروس
ديزي دروس حتى هو ما سكتش، وحط فيديو على إنستغرام، وكتب عليه: “شحال من واحد غيتمزك ليك نهار غادي تلوح مورسو بلا ما تجبد سميتي”، وكيقصد أن “البيغ” ذكروا في “التراك” باش الناس تسمعوا.
إقرأ أيضا :
