تحدث مصطفى بايتاس، الوزير المنتدب لدى رئيس الحكومة المكلف بالعلاقات مع البرلمان، الناطق الرسمي باسم الحكومة، عن قرار تعليق جميع الرحلات المباشرة للمسافرين في اتجاه المملكة، لمدة أسبوعين، وكذا تأثيره على القطاع السياحي.
تأثير على السياحة
وقال بايتاس في تصريح لوسائل الإعلام عقب المجلس الحكومي، اليوم الخميس (2 دجنبر)، إن “الحكومة حينما تتخذ هذه القرارات تتخذها بناء على معطيات دقيقة من قبل اللجنة العلمية، وتتم مناقشتها وتمحيصها وقراءتها في جميع المستويات والاتجاهات”.
وأضاف بايتاس “صحيح أن الأسعار كترتفع وكتنخفض، ولكن المهم هو أن الحكومة عبرت على أنها مستعدة دير رحلات استثنائية واللي من خلالها يتم إما إجلاء مواطنين لدول أخرى فالمغرب، أو نساهمو فإعادة مواطنين مغاربة اللي ما قدروش يجيو فالوقت المحدد رغم أنه كانت تقريبا 24 ساعة ديال الأجل”.
وبخصوص تداعيات قرار الإغلاق على القطاع السياحي، قال بايتاس “فالوضع الدولي فالعالم هناك تأثير على المجال السياحي والحكومة واعية بهاد الموضوع وكتبعو، ولكنها مطالبة بأنها تحمي المواطنين”.
وتابع أن “القطاع السياحي من القطاعات الاستراتيجية المهمة واللي الحكومة كانت تعقد عليها أمال كبيرة… ودابا كاين حوار مفتوح وتفكير فكيفاش يمكن لينا نحافظو على المكتسبات اللي حققنا، وفنفس الوقت نسمحو بانتعاش المجال السياحي”.
أوميكرون.. متحور مجهول
وبالنسبة إلى مدة الإغلاق، قال الناطق الرسمي باسم الحكومة إنه “على المستوى الدولي كاين شبه جهل بخصوص هاد المتحور الجديد، والمعلومة الوحيدة اللي كاينة هو أنه متحور كيتحرك وكينتشر بسرعة… ولكن فيما يخص التأثير ديالو على المناعة وعلى التلقيح ما زال ما عارفين والو”.
وختم حديثه بالقول “اللجنة العلمية كتشتغل وكتابع هاد الموضوع، والحكومة كتنصت، وملي تكمل المدة اللي فالبلاغ، غادي يتعمل تقييم دولي ووطني، فأنذاك الحكومة غادي تاخذ الإجراءات المناسبة”.
