محمد المبارك
رغم الخسارة مع إيران، نفسية الجمهور المغربي والمعنويات طالعة بزاف، وباش يحيدو عليهم الضغط بزاف دارو فيديوهات ساخرة وترولات بالضحك في انتظار مباريات الحسم، والمقابلة الجاية ضد البرتغال.
جميع الحيوانات
مجموعة من رواد مواقع التواصل الاجتماعي نشرت فيديوهات لحيوانات تتوقع نتيجة المباراة بحال القط اخيل اللي دايرة روسيا هاد السنة، الحنش والمش، وهادو كلهم توقعو فوز المنتخب المغربي ضد البرتغال.
أما واحد الدجاجة، لأنها توقعت فوز البرتغال، فكان مصيرها الذبح والتشرميل.
الدقة اللي جات باسم الله
نور الدين امرابط عنوان المرح والتسلية في المنتخب المغربي، بعد ما تأكد الجمهور باللي رجع بالسلامة واخا ما غاديش يشارك ضد البرتغال، شدو الصور ديالو من بعد الضربة وحطو عليها الجملة الشهيرة ديالو “أي دقة تجي باسم الله “.
رجل المهام الصعبة
جملة مغني راب مسلم كانت حاضرة حتى هي، وقال الجمهور المغربي باللي إيران فريق ضعيف وباللي منتخب الأسود ديال “المهام الصعبة”، مع البرتغال وإسبانيا.