نعى الفنان الكوميدي الزبير هلال، صديقه لاعب فريق الوداد الرياضي أسامة فلوح، الذي وافته المنية يوم أمس الخميس (2 نونبر)، جراء إصابات ناجمة عن حادثة سير تعرض لها.
وقال هلال في تصريح لموقع “كيفاش” إن فلوح “الله يرحمو كان خويا، كان كيجي عندي كل نهار للتورناج كيبقى معايا، وفاش عيطات ليا اختو وسمعت خبر الوفاة ديالو تصدمت”.
وكشف الزبير عن آخر لقاء جمعه باللاعب الشاب أسامة فلوح، قائلا “آخر لقاء كان بيناتنا هو الاثنين جا عندي للتورناج والثلاث بالليل وقعات الكسيدة
أنا كنعرف دارهم قبل منو حيت كيسكنو حدايا، إنسان طيب وكان كيتمنى يدير مسار زوين وحتى دارهم كانو معولين عليه بحكم الظروف ولكن الحمد لله قدر اغلله وما شاء فعل”.
وتابع الزبير “قبل ما يدير الحادثة كان غادي يمشي إعارة لفريق الزمامرة وشحال وهو كيتسنى فهاد المناسبة باش يلعب ويدير ماتشات فرجليه، كان غادي يمشي الاثنين وقال لينا غنأجلها وكان غادي يمشي الثلاثاء وقال نخليها حتى الأربعاء وهو النهار اللي دار فيه الحادثة”.
وختم حديثه بالقول “أنا كنت من الناس اللولين اللي فرحانين حيت غادي يلعب فالوداد، العام اللي فات ما ساعفوش الحظ حيت الوراق ديالو ما تقادّوش فالجامعة، وهاد العام حتى تقادات المسائل ولكن ما كتابش ليه، الله يرحمو”.
يذكر أن أسامة فلوح تعرض، يوم 11 أكتوبر الماضي، إلى حادثة سير خطيرة، وعاش وضعا صحيا صعبا جدا، قبل أن توافيه المنية يوم أمس.
وتعرض اللاعب الودادي إلى كسر في العنق وآخر على مستوى الصدر، كما أصيب بنزيف داخلي.
وكان لاعب الوداد فلوح يقود سيارته مع أحد أصدقائه قبل أن تصطدم بقوة بشاحنة من الحجم الكبيرة كانت مستوقفة بجانب الطريق على مستوى منطقة عين السبع الحي المحمدي.
