رب أسبوع فابور خير من ألف كونجي. كيفاش؟
الناس ديال الوظيفة العمومية غادي يكونو ناشطين فعيد الأضحى ديال هاد العام، لائحة العطلة كتقول باللي شهر غشت ديال هاد العام فيه 3 ديال الأعياد وطنية، مع عيد ديني فيه يومين ديال الراحة.
الاثنين 20 غشت، تحل ذكرى ثورة الملك والشعب، والثلاثاء 21 غشت يصادف عيد الشباب، والأربعاء 22 غشت “غالبا” غادي يكون عيد الأضحى، والخميس 23 غشت ثاني عيد، وهو عطلة مدفوعة الأجر أيضا.
بقات القضية شاكلة فيوم الجمعة 24 غشت، ما فيه لا ذكرى وطنية ولا عيد ديني، وهو الحلقة الرابطة بين أيام العطلة المذكورة، وعطلة نهاية الأسبوع (السبت الأحد). وهنا يمكن الحكومة تفوبر عليهم بشي نهار، وبالتالي غادي يكون المجموع ديال أيام الراحة هو 9.