بقلم: نجيكم نيشان
حتى واحد ما بقا مهتم بالأخبار ديال تشكيل الحكومة ولا توقيف مدير وكالة السلوكا والمواصلات ولا الدخول المدرسي وزيد وزيد، دابا حنا كاملين وراء ممثل المغرب في سجون باريس الأستاذ سعد لمجرد.
السيد دار ولا ما دارش ماشي هنا المشكل، المشكل الكبير هو هادوك اللي كيدافعو عليه ولا لخرين اللي كيتهموه. السيد مازال في التحقيق وكل واحد كيغني على هواه.
حتى واحد ما فكر أنه كاين قانون وكاين كاميرات في الفندق، والتحقيق مديور غير باش يثبت البراءة أو يثبت الجرم، أما التضامن أو الاتهام بدون دليل راه غير تخربيق.
وأكثر من هاد الشي واش خبر اعتقال سعد لمجرد مهم كاع لهاد الدرجة اللي ما بقا لا حديث ولا شغل عند الناس غير هو؟
الله يعطينا الحبس باش نشوفوكم متضامنين معانا.