أكد مولاي حفيظ العلمي، وزير الصناعة والتجارة والاقتصاد الأخضر والرقمي، أن المغرب قرر يوم أمس الأحد (10 ماي)، فتح مجال تصدير الكمامات إلى الخارج، وذلك بعد إنتاج كم كبير وإغراق السوق الوطنية بها.
وقال العلمي، اليوم الاثنين (11 ماي)، خلال جلسة الأسئلة الشفوية الأسبوعية بمجلس النواب، “عندنا 23 لإنتاج الكمامات وتجاوزنا إنتاج 10 مليون كمامة يوميًا وولى عندنا فائض”، مشيرا إلى أن السوق المغربية لا يمكنها استهلاك هذا الكم الكبير من الإنتاج.
وأضاف العلمي “دابا عندنا مخزون ديال 50 مليون كمامة حيت ما زال أنحتاجوها مورا الحجر الصحي… والكمامات اللي كنوزعو يوميا ما كيوصلوش ل2 المليون بعدما كنا كنوزعو 6 المليون”.
وتابع الوزير: “من البارح قررنا نبداو نصدرو الكمامات لمجموعة من الدول الراغبة في الاستيراد من المغرب وأبرزها فرنسا اللي أكدت لينا أن هاد الكمامات كتستجب للمعايير الصحية”، مؤكدا “ملي غادي نحتاجو الكمامات غادي نوقفو التصدير وهاد الشي مرتبط بالحاجة الوطنية”.
وبخصوص كمامات الثوب، قال العلمي: “تجاوزنا 2 مليون يوميا ولكن ما نقدروش نصدروها حيت ما زال محتاجينها ومستحيل نصدرو ماحد المغرب محتاج ليها”.
وتابع “مازال خاصنا 15 مليون كمامة ديال ثوب وغادي نوصلو ليها تدريجيا”.