المشكلة ديال اللغة العربية الفصحى عند بعض رؤساء الجماعات مشكل حقيقي، فكل مرة كيلقي شي واحد منهم كلمة فشي مناسبة وكيسجلوه، كتكون مجزرة حقيقية للغة العربية الفصحى.
آخر واحد، وليس الأخير، هو رئيس إحدى الجماعات، واللي لقى الكلمة بمناسبة عيد العرش، ولقى صعوبة كبيرة باش يقرا الورقة اللي كانت بين يديه، ودار عدة أخطاء لغوية وكان كيتهجى داك الشي اللي مكتوب، الشي اللي ردو ضحكة في مواقع التواصل الإجتماعي.
ومن بين التدوينات اللي تكتبات على الفيديو: “يلا كتبغيوه لدرجة تصوتو عليه ساهموا معه وقريوه ماش عيب يقدر يكون محنك فالسياسة”، وتدوينة أخرى فيها: “المشكل فاللي كيصفقو ماشي فالرئيس”.
