أعربت الدولية المغربية غزلان الشباك، عن سعادتها بفوز المنتخب الوطني المغربي على نظيره السنغالي بسباعية نظيفة، يوم أمس الأربعاء (29 أكتوبر)، مؤكدة أن حلم النخبة الوطنية تحقيق لقب كأس أمم إفريقيا في نسخة المغرب 2025.
وقالت الشباك في تصريحات صحافية عقب المباراة المذكورة، “اليوم الحمد لله قدرنا نفوزو بحصة عريضة على المنتخب السنغالي اللي فاللول ما كانش ساهل ولكن مع الأهداف اللي سجلنا عليه قدر يلاشي في فاللخر، وهاد الفوز غادي يعطينا معنويات كبيرة باش نقدرو نزيدو نجتهدو ونزيدو نخدمو حيت غادي نلقاو منتخبات صعب من هاكا وحنا خاصنا نكونو واجدين لجميع الحالات”.
وأضافت “أكيد الماتشات الجايين غادي نخدمو على الحوايج اللي ما قدرناش نطبقو اليوم وما كناش فيهم مزيانين وهاد الشي كامل باش نكونو واجدين الكان اللي غتنظم في بلادنا”.
وعن هدف لبؤات الأطلس”، قالت الشباك “الهدف ديالنا واضح وباين، النسخة اللي فاتت كنا منظمين الكان هنا في بلادنا وكنا على بعد خطوة واحدة باش نفوزو بها وما كتابش، وأكيد هاد المرة غادي نعطيو الجهد ديالنا كامل وغادي نركزو باش نحققو اللقب هذا الحلم ديالنا كاملين”.
وتابعت “كنطالبو الجماهير المغربية باش يجيو يشجعونا ويوقفو معنا باش إن شاء الله نقدرو نحققو هاد اللقب اللي غالي على المغاربة كاملين”.
