محمد المبارك
كعادتها، وقت ما حطات شي حاجة، كتدير البوز، ولكن هاد المرة زرّرفات معها الناس وغبرات. كيفاش؟
سميرة الداودي، المعروفة على الموقع الأزرق، والمقيمة خارج المغرب، فالويكاند لاحت فيديو تطلب فيه “ماريو”، مول البرنامج الفايسبوكي “ليالي ماريو”، يدوز واحد البنت اللي بغات تعترف بأنها حاملة وفي شهرها تاسع من الأب ديالها اللي هو برلماني معروف من الدار البيضاء.
سميرة الداودي لاحت الفيديو وخلات بزاف الصفحات والمواقع “الإخبارية” تبارطاجيه، على أساس أن ما ورد فيه صحيح، وهو ما يصعب التأكد منه، حيث لم تكلف نفسها عناء التأكد من ادعاءات صاحبة الفيديو ولا حتى نشره مع الإشارة إلى أنه لم يجرِ التأكد من فحواه.
الناس ضرهم راسهم وبغاو يعرفو واش القضية حقيقية ولا غير طريقة للبحث عن البوز، ولكن سميرة غبرات وحيدات الفايس بوك ديالها وما كتجاوبش حتى في التيليفون، وخلات الصفحات والمواقع كتنشر الفيديو بصيغة اليقين.
