أشاد الإطار الوطني طارق السكيتيوي، مدرب المنتخب المغربي الأولمبي، بما حققه “أسود الأطلس” في دورة الألعاب الأولمبية المقامة في باريس، مشددا على أنهم “رجال وخدمو بروح فيها بزاف ديال حب الوطن والمسؤولية”.
وقال السكيتيوي في تصريح لقناة “الرياضية”، بعد المباراة التي جمعت المنتخب الوطني بالمنتخب المصري، وانتهت بفوز “الأسود” بسداسية تاريخية، “أول حاجة خاصني نقولها هي خاصني نحمد الله، والحمد لله الله لا يضيع أجر من أحسن عملا، هاد الرجال خدمة بواحد القلب وربي ما خيبهمش”.
وأضاف “اليوم كملنا شهر، كانت الخدمة يوميا وما تقدروش تخيلو حجم الصعوبات اللي كانت والمجهودات اللي دارت من طرف الجميع، سواء الإدارة ولا اللاعبين ولا الطاقم التقني والطبي ولا الجامعة برئاسة فوزي لقجع ولا حاملي الأمتعة، جميع مكونات المنتخب دارو واحد العمل كبير بواحد الروح فيها بزاف ديال حب الوطن وبزاف ديال المسؤولية باش أننا نكونو عند حسن الظن ونرقاو بكرة القدم المغربية ونخليوها في المسار التصاعدي ديالها”.
https://youtu.be/dIMZWCYdxhs
وأوضح السكيتيوي أن “الأمور ما كانتش ساهلة بكل صراحة، وباش تربح الأرجنتيني ماشي ساهل، ودارت واحد الكبوة في مباراة أوكرانيا ولكن بينا أن النجاح ما كيكونش ساهل وما كيكونوش فيه فقط النجاحات، والنجاح الحقيق هو اللي ضروري يكون فيه الشك وخاص الانسان يعرف كيفاش يتعامل معه”.
وتابع “مقابلة الإسبان مشات لينا ببعض التفاصيل والخنوس خلى بلاصتو وكذلك اللاعبين اللي ما قدروش يلتحقو بنا خلاو المجموعة في العرض ديالها تكون أقل، ولكن خدمنا بلي عندنا وعوضنا بأشياء كثيرة وربي وفق في هاد المقابلة كذلك واللي بينا أننا قادرين نوضو من أي كبوة ونرجعو”.
وختم الإطار الوطني حديثه بالقول “هاد الميدالية كنهديها لصاحب الجلالة والأسرة المغربية وأسرتي الصغيرة خاصة الأم ديالي”.
يشار إلى أن المنتخب الوطني المغربي الأولمبي، توج اليوم الخميس (8 غشت)، بالميدالية البرونزية، وذللك بعد فوزه في مباراة الترتيب على المنتخب المصري بسداسية نظيفة.
