اعترف طارق السكيتيوي، مدرب المنتخب الوطني الأولمبي، بصعوبة المباراة التي ستجمع عصر اليوم الثلاثاء (30 يوليوز)، “أشبال الأطلس” بالمنتخب العراقي، برسم الجولة الثالثة والأخيرة من دور مجموعات أولمبياد باريس.
وقال السكيتيوي في تصريح للموقع الرسمي للجامعة الملكية المغربية لكرة القدم “المباراة غتكون مصيرية بالنسبة للمنتخبين، حنا اللي كيهمنا هو ملي يصفر الحكم نكونو منتصرين ونفرحو مع الشعب المغربي بالتأهل لأن الهدف ديالنا هو ندوزو للدور الموالي والأدوار الأخرى”.
وأكد أن “المقابلة ما غتكونش ساهلة بحكم أن الفريق اللي غيربح غادي يتأهل واللي غيخسر غيتقصى، مقابلة غادي تكون فيها ندية كبيرة وروح عالية، وهاد التفاصيل غادي يديرو الفرق”.
وأشار السكيتيوي إلى أن الفريق الوطني أخذ العبرة من مواجهة أوكرانيا، قائلا “حنا خاصنا نكونو خذينا درس من المقابلة اللي فاتت واللي كانت إيجابية بغض النظر عن الأشياء السلبية اللي كانو فيها، حقيقة أننا درنا مقابلة كبيرة خصوصا في الشوط الثاني وكنا نقدرو نسجلو أكثر من 3 أهداف، وخذينا هدف قاتل في الدقائق الأخيرة، واللي أكيد غادي يكون درس لينا في مقابلة العراق”.
وأوضح السكيتيوي أنه في بداية التحضير لمواجهة العراق اشتغل رفقة طاقمه على الجانب الذهني للاعبين، قائلا “في البداية كانت أول حاجة اشتغلنا عليها هو نساو المقابلة اللي فاتت ناخذو منها العبر ونساوها، حيت بعد المقابلة ديال أوكرانيا كانت حسرة عند جميع مكونات المنتخب، وحتى الجمهور اللي معنا واللي كنديرو الكل فالكل باش نفرحوه، خذمنا على الجانب الذهني وقلنا خاصنا نبداو صفحة جديدة بمعنويات عالية ورأس مرفوع حيت ما زال لينا ماتش وكلشي بين يدينا يلا ربحنا غندوزو”.
وأضاف “ثاني حاجة خدمنا عليها هو الجانب البدني باش نسترجعو الطراوة البدنية للاعبين حيت ماشي ساهل ترجع تلعب من بعد يومين، والعامل الثالث فهو من الناحية التقنية والطاكتيكية للفريق الخصم”.
