محمد المبارك
في 2017 بزاف ديال النجوم، من كافة المجالات، دارو البوز، والأخبار ديالهم شغلات الرأي العام الفايسبوكي.
السرحاني.. سايس أسايس
أيمن السرحاني، وبعد أيام قليلة على فاجعة الصويرة، دار سهرة في إحدى العلب الليلة ب9 آلاف درهم للطبلة. الأمر خلف ردود سلبية ضد أيمن وقالوا باللي ما حترمش الموت وحتى جيوب الناس.
الفيزازي وحنان.. الفاتحة
قصة شغلت مغاربة الفايس بوك هي قصة الشيخ محمد الفيزازي وزوجته حنان. قضية شملت العديد من الأبعاد، خاصة فارق السن بينهما، والتعدد، وكان عنوانها “زواج الفاتحة”.
إيمان ومراد.. زواج بمباركة أردوغان
زواج إيمان الباني، ملكة جمال المغرب، بالممثل التركي مراد لم يكن حدثا عاديا، خاصة أن مدة تعارفهما لم تتجاوز 4 شهور، والأكثر من ذلك أن رئيس تركيا أردوغان هو من طلب يدها من والدها باش يزوجها لمراد.
ديسباسيتو.. كلشي كيغني
أغنية “ديسباسيتو”، اللي حققت نجاح عالمي، تفاعل معها مغاربة الفايس بوك وكلشي ولى كيكتب كلماتها، ولكن غير “ديسباسيتو” اللي كتكون صحيحة، أما باقي الكلمات فكلها شخبط شخابيط!
عادل الميلودي.. بطل العصير
المشاداة بين الفنانين ديما كتكون في الفايس بوك المغربي، وأغلبها كيكون بطلها عادل الميلودي اللي عطى العصير لأيمن السرحاني وسماه السرقاني بعدما اتهمه العديد من الفنانين الجزائرين بسرقة أغانيهم.
أبيضار.. الأغنية اللي فيك
لبنى أبيضار بعدما أعلنت أنها مصابة بورم في حنجرتها وفاش الناس كاملين توقعوا يمشي ليها الصوت أو يوقع ليها شي مشكل في الأوتار الصوتية خالفت التوقعات وخرجات بأغنية.
مريم سعيد.. يا خطبة ما تمت
انفصال الإعلامية المغربية مريم سعيد، بعد علاقة دامت 7 سنوات مع كريم، زعزع الفايس بوك، وخاصة اللبنات واللي رجعو السبب كلو حيث كريم مغربي!
دنيا بطمة.. شد لي نقطع ليك
دنيا بطمة واحدة من أقوى الفنانات حضورا على الساحة الفنية دوزات سنة 2017 كلها شد لي نقطع ليك مع منتقديها، هوما كيفكروها بالماضي وهي كتوريهم الحاضر.
سعد المجرد.. السوار
سعد المجرد وقضية محاولة الاغتصاب اللي وقعات ف2016 بقيت تتمدد وحضيت بمتابعة مغاربة الفايس بوك طوال سنة 2017، وخاصة قضية السوار وظهور مولات الفعلة بفيديو.
تاه تاه.. ديما سانك سانك
الفنان المغربي مصطفى تاه تاه كان رفيق المغاربة على الفايس بطرولات صاوبوها عليه وفيها مقولته الشهيرة “سانك سانك”.
بنعبد السلام.. الفقيه وميا خليفة
داعية بطريقة ساخرة وهزلية، الشيخ رضوان بن عبد السلام دار البوز سنة 2017 . وكيفاش ما يديرش البوز و هو كيعرف حتى “ميا خليفة”.
