دافع الإعلامي رضوان الرمضاني، عن لاعبات المنتخب الوطني النسوي، وذلك بعد تعرضهن إلى انتقادات لاذعة على مواقع التواصل الاجتماعي بسبب الهزيمة أمام المنتخب الألماني بسداسية نظيفة، في المباراة التي جمعتهما صباح اليوم الاثنين (24 يوليوز)، لحساب الجولة الأولى من المجموعة الثامنة لكأس العالم للسيدات.
ونشر الرمضاني تدوينة مطولة عبر صفحته الرسمية على الفايس بوك، رد من خلالها على منتقدي “لبؤات الأطلس، قائلا “تقول عليهم خسروا بحصة كبيرة؟ كاينة. تقول عليهم لعبوا الماتش وفيهم الدهشة؟ ممكن. تقول عليهم ما عندهمش التجربة؟ أكيد. تقول عليهم ما عرفوش يتعاملوا مع الماتش؟ عادي. هاد الشي كلّو كاين وممكن وعاااادي”.
وأضاف “ولكن اللي مثير للانتباه هو أنهم بقاو مقاتلين ونفسهم حارّة… حتى للدقيقة 99. وهادي بوحدها كافية وكتبيّن أنهم ما مشاوش غير باش يتساراو”.
وتابع “من زهرهم أن الكرة النسوية بدات فزمن السوشيال ميديا والتلفزيون نيميرك، ومن زهرهم أول مشاركة فكأس العالم جات فهاد الوقت”.
وأشار الرمضاني “سعدات الرجال اللي بداو الكرة فالوقت اللي ما كانش كيوصل حتى الصوت. يلعبو نهار الأحد توصلك النتيجة نهار الأحد اللي من بعد”.
وأكد صاحب برنامج “بدون لغة خشب”، أن “عيبنا كنبغيو كلشي يكون من الدقة الأولى. راه عادي ما تعجبكش النتيجة. ولكن اللي ماشي عادي هو ما تعجبكش غير حيث المنتخب ديال البنات هو اللي لاعب”.
وأشار إلى أن “ألمانيا را طحنات البرازيل بسبعة لواحد فالمونديال، والبلايلي ماركا على الزنيتي بطريقة گاع ما ماركاو بها الألمانيات على الرميشي. البيت ديال البلايلي ساوي الستة ديال الألمانيات بأثر رجعي”.
وختم تدوينته بـ”فوق طاقتك لا تلام. براڤو البنات”.
يذكر أن المنتخب الوطني النسوي تنتظره مبارتين أمام كولومبيا وكوريا الجنوبية.
