اعتبر الإعلامي رضوان الرمضاني، أن منطق ليّ الذراع في ملف التعليم يدفع ثمنه الملايين من التلاميذ.
وأبرز الرمضاني، خلال حديثه ضمن برنامج “غرفة الفار” على إذاعة “ميد راديو”، أنه “خاص الكثير من السؤولية ما كيعنيش أنك غتحني الراس للحكومة منطق ليّ الذراع في هذا الموضوع ملايين التلاميذ اللي غيدفعو الثمن ديالو”.
وشدد صاحب “بدون لغة خشب”، على أن “المسؤولية الأخلاقية ديال رجال ونساء التعليم حاضرة”، مبرزا أنه “خاص كل الأطراف تستحضر حسن النية من باب الواجب واللي كيدخل في إطار فمهنة التعليم كيفما الحكومة كانت مجبرة على التفاعل والتفاوض وعلى أنها تكون صبورة في التعامل مع الملف وممكن تقدم تضحيات في التعامل مع الملف كذلك المضربين سواء اللي كتأطرهم النقابات أو التنسيقيات”.
وتابع: “اللي واقع دابا ماشي نقولو سوداء ولا بيضاء ولكن سنة مرتبكة باقين التعلمات ديال وليدات المغاربة فالعمومي عوجة كتحس بالديكالاج بين واحد كيقرا فالتاسعة التعليم العمومي والتاسعة فالتعليم الخاص”.
وتساءل الرمضاني: “علاش بغيت نحول الإضراب في واحد المستوى ممكن وإن كان هاد الكلمة ما غتعجبش الناس غادي يبان أنه ابتزاز في واحد المرحلة… وغنطيحو في ورطة النقابات غادا تمشي في مسلسل الحوار التنسيقيات كيقولو لا”.
وشدد بالقولك “كتحس بأنه كاين اللي ما بغاش الأمور تحرك… تفهم المطالب شيء التفاعل معها واجب وقد بدأ يعني الكرة في ملعب التنسيقيات والنقابات أما يلا بقينا فالإضراب حتى يتزاد فالأجور راه مشكلة”.
