شناقة السوشيال ميديا لاعبين لعبهم وخدامين على الطعن فالذمم والتلفيق باش يروجو الحركة فالحسابات ديالهم بدون حسيب ولا رقيب. كيفاش؟
انتقد الإعلامي رضوان الرمضاني، في حديثه ضمن برنامج “غرفة الفار” على إذاعة “ميد راديو”، أمس الاثنين (26 يونيو)، عدم تفاعل الهيئات المهنية الصحافية مع التطاول والاستهداف الذي يتعرض له عدد من الصحافيين.
وتساءل الرمضاني، قائلا: ” شنو ذنبي أنا شافر لشي حد قاتل شي روح ناصب على شي حد مستافد من شي ريع؟”.
وتابع صاحب بدون لغة خشب، في السياق ذاته “رزقنا كنتخلصو وكنضاربو مع البنكات وكنحاولو نعيشو فحال أي واحد محسوب على الطبقة المتوسطة كيتتخلص مزيان… ومن حقي نتخلص مزيان ما يمكنش نكون مگرد باش نرضي عباد الله”.
وشدد الرمضاني، على أنه “فنفس الوقت كاين اللي مستفيد منين كنشوف هاد الأسماء كتبدا تبورد وما كاينش اللي كيلجمها كتولي تعاود الحساب”.
واعتبر المتحدث ذاته، أنه “اللي بغى يطلع الصفحة يسبنا، اللي بغى التدوينة ديالو تبارطاجا بزاف يسبنا، واللي بغى يسيفط ميساج لشي بلاصة يسبنا… من حقهم المؤسف فالموضوع هو الهيئات المهنية اللي كنتميو ليها فيناهيا؟”.
وأضاف رضوان الرمضاني، متوجها إلى المجلس الوطني للصحافة بالقول: “يلا ما دافعتيش عليا فهاد المرحلة وماشي عليا أنا… على التمييع ديال كلشي… وتكلم ليا من بعد على التنظيم الذاتي للمهنة حمي المهنة بعدا راه كتفرتك وكتهرس وكتوسخ”.
وخلص الرمضاني، مؤكدا: “لا أدعي وطنية أكثر من أحد ولا أدعي مغربية أكثر من أحد ولا أدعي أي شيء ولكن عندي خطي التحريري كندافع عليه منذ سنوات وأنا ثابت عليه… أنتمي إلى جسم صحافي رفضنا في مرات عديدة أننا نكونو من أدوات تسفيهه ولكن ما نكونش أنا الحيط القصير لا أقبلها”.
