أكد الناخب الوطني وليد الركراكي، أنه لا يتدخل في اختيارات اللاعبين المغاربة لتحديد النادي أو الدوري الذي يلعبون له.
وقال الركراكي خلال الندوة الصحافية التي عقدها، مساء اليوم الخميس (5 شتنبر)، “أنا ملي كيسولوني اللاعبين باش ياخذو رأيي فشي فرقة ما كنقولش ليهم سيرو ولا ما تمشيوش، كنقول ليهم خاصكم تكونو في أحسن ترتيب باش تجيو للمنتخب”.
وأضاف “الأولوية بالنسبة ليا هي الجودة ديال اللاعب والشكل ديالو، مثلا ملي كتشوف سفيان رحيمي فالدوري الإماراتي وداك الشي اللي قدم العام اللي فات ما يمكنش ما تعيطش ليه، أنا كنبغي اللاعبين ديما يكونو في مستوى كبير”.
وتابع “ما يمكنش نقول للاعب ما تمشيش ومن بعد ما نعيطش ليه، غادي يقول ما خلانيش نمشي وما عيطش ليا، كنخليهم هما ياخذو المسؤولية ديال اختياراتهم”.
وختم حديثه بالقول “أنا الأولوية ديالي هو المنتخب الوطني، والباب ديالو مفتوح للجميع، كيف كنقول ديما”.
