علق الناخب الوطني وليد الركراكي، على انتقالات بعض اللاعبين المغاربة خلال فترة الميركاتو الصيفي الجاري.
وقال الركراكي خلال الندوة الصحافية التي عقدها عشية اليوم الخميس (5 شتنبر)، والتي تسبق مواجهة الغابون، “اللي كيهمني هو اللاعب يكون كيلعب فالفرقة اللي معها ويحافظ على التنافسية، ومثلا فنربخشة ولا غلطة سراي ولا باناثينايكوس ولا أولمبياكوس هادو كلهم فراقي كبار فبلدانهم، بحال الرجاء والوداد والجيش فالمغرب”.
وأضاف “أنا كيهمني اللعاب يكون فرحان ويلعب وما يضيعش الوقت ديالو فالاحتياط، ويبيّن لينا فالماتش اش عندو”.
وتابع “مثلا أمرابط واش غادي يكون أحسن في مانشستر حيت كيلعب ماتشات قلال ولا يلعب الوقت كامل مع فنربخشة، ما نقدروش نجاوبو على هاد الشي، والأولوية مثلا كانت لأكرد وأوناخي اللي حلو مشاكلهم قبل ما يسالي الميركاتو، وحتى أمرابط، وأنا كنتمنى يلعبو ويرجعو المستوى ديالهم”.
وختم الركراكي حديثه بالقول “بطبيعة الحال نبغي نشوف المستوى ديال مجموعة من اللاعبين مثلا دياز مع الريال ولا حكيمي مع باريس سان جرمان ولا مزراوي مع اليونايتد، نبغي لاعبين آخرين بهاد المستوى، والمهم عندنا هو المشكل ديال الميركاتو تحل”.
