أكد الناخب الوطني وليد الركراكي أن المواجهات التاريخية بين المغرب والكاميرون تميل لصالح “الأسود غير المروضة”، مشيرا إلى أن التاريخ يعترف بتفوق الكاميرون في مجموعة من المحطات.
وقال الركراكي خلال الندوة الصحافية التي تسبق مواجهة المنتخب الكاميروني في دور ربع نهائي الكان: “تكلمتو على التاريخ، وعندكم الصح، الكاميرون تاريخياً هي العقدة ديال المنتخب المغربي، قصاونا فـ 88 هنا فبلادنا، وجاو ربحونا بزاف المرات فالمغرب”.
وأضاف الركراكي “هاد المعطيات ولات من الماضي، والماضي راه داز، وحنا اليوم فعهد المنتخب المغربي الجديد، هاد الشي اللي وقع قبل مابقاش عندو وجود دابا، وآخر ماتش لعبناه معاهم فـ 2018 راه ربحناهم بـ 2-0”.
وتابع الركراكي حديثه بالتركيز على الندية بين المنتخبين: “أنا شخصياً كلاعب كان عندي الزهر مع الكاميرون، لعبت ضدهم جوج مرات وما خسرناش، مرة فماتش أميكال مع لومير ومرة فياوندي.. الكاميرون اليوم لاعبة كلشي على هاد الماتش، وحنا خاصنا نكونوا واجدين لهاد الضغط”.
وختم الركراكي تصريحه بالتأكيد على قيمة المنافس: “الكاميرون عندهم رئيس كبير كان لاعب أسطوري، ومدرب رائع خدا الفرقة فوقت صعيب ودار خدمة زوينة، داك الشي علاش كنسميوها ‘كان التواضع’.. “خاصنا نديرو ماتش زوين باش نجيبوا نتيجة زوينة، والكلمة الأخيرة غتكون فالتيران”.
